( اصرخ يابكره )
ء............................ء
اصرخ يابكره وصحى حلمنا
صحى الضمير ..
صحى المكــــان ..
صحى الزمــــــــان ..
صحى الأمانه والأمان
وذكـرى اخــويا وأمــنا
اصرخ يابكره بلسان الحقيـقه
اصرخ وصحى شمس ليلك الطويل
صحى النهــار ..
اغرس سيوف العدل فى قلوب الخيانة والظلام
وامسح يابكره دمعـة الطفـل اليتـيم
امسح دموع الحزن من قلب الجريح
واروى زهــور الصــبر ..
اروى زهور الصبر والصبار فى حضن الضريح
وارسم يابكره خطوتى
افتح كتاب العدل وانصف شكوتى
باحلم يابكره بالسما من غـير غيـوم
والأرض خضرا وبـدر ساطـع والنجـوم
باحلم يابكره بالحياه من غير ألم من غير هموم
ء.............................ء
( صلاح ألشيخ )
ليست هناك تعليقات:
إرسال تعليق