وصية
يا خويا
نوصيك رد البال
راه الغش
حتى في الجمال
تشوف واحدة
وعليها تهبال
تيقن وتمعن
وعليها سول وسال
وأش هي ديما
على هاد الحال
بعدما بان
الشعر المستعار
ولاو يلصقو
الرموش ولشفار
لون عدسات العيون
جميل وبهار
نبغيك على الزين
الطبيعي ديما تغار
كلهم زيانو
اما بالشطف
او السيليكون
تدوز من حداك
تقول سبحان خالق الكون
يبقاو فيا ما يفرحو
حتى يندمو بجنون
غيرو خلق الخالق
ونساو وله
في خلقه شؤون
فضحو عيبهم،بسالو
وطار السر المكنون
له في ذلك حكم
الله يكون
ليهم في العون
يا خويا باش تتفادى
المشاكل ولا تعيش مغبون
ما تهتم بزاف
بالشكل وشوف المضمون
المملكة المغربية 160516
الدكتورة فاطمة الزهراء الرئيس
ليست هناك تعليقات:
إرسال تعليق