الحب حاله
عايزاني أعيش إزاى سعيد
وشكلي يرجع تاني أحلى
وكل يوم في بُعدي عنك
ذادني هم وذادني وحلى
كل دمعه في عيني تحرق
قلبي وقت ما كنا إحنا
في الحياه متفرقين
إرجعيلي بس ساعه
غيّري الكون اللي ضلِّم
وارفعي من شأني فيها
خلي شوقي ليك يسلم
دا الزمن غيَّر ملامحي
والهموم شقت جوارحي
بس حبك مهما غيبتي
لسه جوه القلب محمي
لسه انا في العشق ثاير
وف طريقي لحد عندك
جي وعارف إن غالي
لسه قيمتي غاليه عندك
من سنين
ليلي كان يشبه نهاري
والحياه إحساسها بارد
بين صراع الفكر بيكي
ومش ناسيكي
لما بنساك لحظه فيها
بلقي نفسي ف عتمه ضلمه
وكله وارد
برق جايز رعد جايز
كله جوه في قلبي شارد
بس حبك كان ونيسي م القلق
والخوف ساعات
رغم بُعدك عني روحي
عاشقه روحك حبتين
حتى كنتي في بالي دايما
مش زمن عدى وفات
الحكايه ان في ليلي بفتكر
أجمل حاجات
الإيدين المشتاقين
لـ لمسه من روح الحبايب
والعنين السهرانين
لجل قلب لقيته دايب
ولا صوت الحب لما
يحكي عن قلب اللي غايب
ياااه على الاحساس يموِّت
في اللي عاش ع الذكريات
واللي قلبه بات حزين
صعب اقول حبي اللي ليا
شئ ومات
لسه نبضه في قلبي حي
والزمن الحلو بنا مهما فات
صدقيني لسه أجمل منه جي
بس محتاج للأمل يمسك معانا حبل ودك
نفتله بالشوق عقد عقده ليكي ومني 100
والرباط هيكون ما بنا صدقيني مالو زي
من دموع المجروحين
بس برضه متنيسنيش ما تبعديش
وتقوليلي دا غصب عني
والظروف الصعبه كانت بتعاندني
يوم تحوشني ويوم تخوني
ولَّا افكر يوم ما حبيتك بلاقي
قلبي يبكي والسهر كان بيلازمني
وافتكر أجمل يومين
حتى روحي الشوق خطفها
في بحر شوقك
كل ثانيه اقول خلاص
بكره يجيي أخدك في حضني
وانسى واقع كان حكمني
واعيش معاك لو حتى فين
إمته بس تحسي بيا
وباللي حارق قلبي بيكي
لما بصيتي في عنيا
شفت شوقي اللي ف عنيكي
قلبي دق ونبضه كان في السرعه
أسرع م الخيال
لو في يوم النبض قل
يبقى كان قلقان عليكي
من ديوان دموع الحب
بقلم الشاعر محمود فوده
ليست هناك تعليقات:
إرسال تعليق