مكتوب ع القلب
***********
إيه رأيك لو نحلم في هدوء
ونخطط حلم مهوش مسبوق
مكتوب ع القلب ينام مايفوق
إلا مع الحلم اللي في راسنا
لو كان حلمنا هيكون تفصيل
نتحكم فيه ف كل التفاصيل
ومقاس حلمنا واحد وجميل
هيحرك روحنا واحاسيسنا
********///////////
الحلم لابد يكون له أصول
ولابد يكون لقلوبنا رسول
نتمنى نعيش الحلم يطول
وكأن الدنيا على مقاسنا
أنا عاوز نبض الحلم يكون
غنوه نغنيها و قلب حنون
ننسى الماضي وحبيب خاين
كرهنا في حبايبنا و ناسنا
********///////////
ياسلام لو ييجي الحلم أوام
ونعيش أنا وإنتي معاه أعوام
يصبح واقع ولا في الاحلام
وحكاية مكتوبة باحساسنا
من يوم ما عرفتك وانا عايز
نهرب من خوفنا واكون فايز
بالقلب اللي هويته و جايز
الحب يكون دوا و أساسنا
بقلم أحمد سلاطين
ليست هناك تعليقات:
إرسال تعليق