التمرد مش طبيعتى
من ديوان(كلمات لها معانى مع اجمل الاغانى)
كلمات/ادهم العوضى
أدهم عبده مجلى
★★★★★
التمرد مش طبيعتى ولا كنت باتمناه
التمرد جانى فجأه لما باصرخ قلت اه
لما الحياه تبتدى
على عكس مانا عايز
لما اشقى فيها طول حياتي
ولااكونش يوم فايز
من حقى اقول اللأ واقفلك احضانى
قلبك فى يوم لو رق كنت انسى احزانى
من حقى اقولك أبعدى يا دنيا وسبينى
وانت اللى جايه بتعندى عايزه تعاتبينى
بس العتاب على ايه شوفى عملت ايه
فيا وفى سنينى
لو كنت هأنسى زمان هتجيبى تانى احزان
علشان تبكينى
وبعد كل اللى اسيته بتقولى باتمرد
حتى الحنين لما لقيته قلبك ولا اتحرك
والتمرد مش طبيعتى ولا كنت باتمناه
★*★*★*★
مشيت فيكى باكى
تحكى وتتحاكى
عن ظلمى وياكى
وهأعيش على الذكرى
نسيت فيكى احلامي
وهجرت ايامى
وشفت فى منامى
حلوه الحياه بكره
بس الحياه بتدلنا على نفسنا وعلى بعضنا
لما نكون تايهين
لما القلوب اتغيرت والحلوه فيها اتمررت
صبحنا ليه مساكين
وبعد كل اللى اسيته بتقولى باتمرد
حتى الحنين لما لقيته قلبك ولا هاتحرك
والتمرد مش طبيعتى ولا كنت باتمناه
★*★*★*★
باعونى كل الناس
ولا شفت يوم اخلاص
لما القلوب اتبنت
والغدر فيها أساس
وادى الحياه اهى ماشيه
من غير ما تعرف حد
وأدى إحنا فيها عايشين
ونسينا طعم الود
وأنا هافضل اعاند فيكى
ولا امدش ايدى في ايديكى
يا دنية الاحزان
ولا عمرى هنادى عليكى
وهقولك هناك خليكى
ما تجيبى يوم حرمان
بس الحياه بتدلنا على نفسنا وعلى بعضنا
لما نكون تايهين
لما القلوب اتغيرت والحلوه فيها اتمررت
صبحنا ليه مساكين
وبعد كل اللى اسيته بتقولى باتمرد
حتى الحنين لو يوم لقيته عمرى ما هاتحرك
★*★*★*★
كلمات أدهم العوضى
أدهم عبده مجلى
ليست هناك تعليقات:
إرسال تعليق