اغنية
متجمعين اغراب
كلماتي/ ادهم عبده مجلى
(ادهم العوضي)
من ديوان(كلمات الاشواق والاشجان مع اجمل الاغانى والألحان)
متجمعين اغراب يا دنيا
متجمعين اغراب
متفرقين فيكى يا دنيا
متفرقين احباب
بتجمعينا وتفرقينا على حب بنعيشه
ونلاقى فيكى يا دنيا روحنا كالطير بلا ريشه
والدمعه تجرى من عنينا ساعة البعاد
والفرحة ترجع تانى لينا وقت المعاد
بتجمعينا اغراب وتفرقينا احباب
وتجيبى تانى احلى ذكرى
حلوه لينا مع الصحاب
يا موريانا شوق وموريانا حنين
ومفرحانا ساعه ومبكيانا سنين
لما احنا كنا هنفترق ليه اتقابلنا
والعمر منا بيتسرق ولاجه حايلنا
يا ريتنا كنا ما اتقابلنا مع الصحاب
ولا كنا ننزف م الألم دمعة عذاب
احبابنا كانوا فى الليالى بيشيلوا كل همومنا
متخبى دمعك اصله غالى وهو سر آلمنا
بتجمعينا اغراب وتفرقينا احباب
وتفرحينا وتبكى فينا من عذاب لعذاب
يا موريانا شوق وموريانا حنين
ومفرحانا ساعه ومبكيانا سنين
يا دنيا مالك كده على الحبايب ليه
بتجيبى فرح قليل كده كأنى فرحى شاريه
شاريه بعمرى وغربتى عن اعز ما ليا
لو كنتى هتجيبى التمن سعرى ما هو شويا
بتجمعينا اغراب وتفرقينا احباب
وبنبكى فيكى من الألم
آلمك مالوش اسباب
آلمك مالوش اسباب
كلماتي/ ادهم عبده
(متجمعين اغراب)
(ادهم العوضي)
ليست هناك تعليقات:
إرسال تعليق