الاكاديمية العربية المغربية للشعر والأدب

الرزق مش فلوس !!

....

الرزق في ابن عاقل 

مش دلوعه ولاننوس ..

الرزق في بنت فالحه 

زي ماقال القاموس ..

الرزق في زوجه صالحه 

تدي عيالك دروس ..

الرزق في اخ ناصح 

مش طماع ولا مهووس ..

الرزق في اخت مطيعه 

مش ماشيه بالمعكوس ..

مين اللي قال الرزق فلوس ؟؟

الرزق في عيله حكيمه 

وكبيرها كلامه مدروس ..

الرزق في صاحب جدع 

قبل الخطر ناقوس ..

الرزق في مدير عادل 

مافيش خيار وفاقوس ..

الرزق في جار مخلص

مش نمام ولا جاسوس ..

الرزق في صحبه حلوه 

في الضلمه تكون فانوس ..

مي اللي قال الرزق فلوس ؟؟

الرزق في صحه وعافيه 

وفي اي اكل تدوس ..

الرزق في نومه دافيه 

مع حلم مش كابوس ..

الرزق في ضحكه صافيه 

وش بشوش مش عبوس ..

الرزق في راحة البال 

مع طيبه في النفوس ..

الرزق في حب الناس 

واكيد بيكون محسوس ..

الرزق في رضا الوالدين 

وده تاج فوق الرووس !!

...

مع تحياتي

شاعر الغلابه

محمد عبدالمريد