زيارة المدن
يالله ندوزو الفاس فيه شرفا فيه ناس
فيه لحلاوي فكسكاس فيه الطالب والعالم
يالله ندوزو المكناس الصيني والبراد والكاس
عيساوي جذبة بالقياس خضرة ديك لعلالم
يالله ندوزو الوحدة ندوزو من طريق مهودة
ألف مرحبا والميدة واللحم فيها عرارم
يالله ندوزو الأطلس حلالب منوعة تفركس
والجبل عالي وملس خاصك ليه سلالم
يالله ندوزو أگادير فيه الحال بارد زمرير
فيه يحلى نعاس وشخير تگعد أداك النايم
يالله ندوزو لإيفران على جمالو غنى فنان
ماحلى جمال إيفران هضرو عليه وقالو
الثلوج مغطية جبالو مرة صافي مرة غايم
يالله ندوزو لرابا لرابا يالله يا بابا دابا
حسان عالية فالسما بورقراق فلوكة وما
والملحون زينو بنغمة والنوار انواع تما
وفالموضة لاتزيد كلمة زايرها أنا ومدايم
نديرو ضورة فباب رواح ونطلبو الرحمة لدوك الرواح
ارضاو بشهادة وجراح مارضاو بإستعمار ضالم
يالله ندوزو الحوز لابغيتي حيدوس وداوز
داوز ياخيي داوز داوز أراك الركزة ركزة وتقاسم
يالله لسيدي رحال داوي لاكاينشي هبال
ونرجعو لبني ملال تما يشدك الحال
فيها زين فيها عيون فيها عين أسردون
فيها رمان وزيتون فيها بلاغي وسلاهم
يالله ندوزو لطنجة فيها السواق امروجة
والسفينة فالبحر مدرجة والحوت فالشبكة عايم
يالله المراكش الحمرا وتشوف نخل ومنارة
وجامع الفنا والگمرا يالله نزيدو نزيدو
كلها يسوگ عاود بيدو العاود حافض الطريق وفاهم
يالله ندوزو الصحرا العيون والساقية الحمرا
وتسمع ضربات الگدرا فيها نغمة فيها حضرا
والجماعة بيها ضايرا والجمال فالرمال سايرا
والتمر فالنخل محازم
هي بلادي هيي مورادي بلادي بلادي وبلاد اجدادي
والواد ياسيدي وادي الله يعميها لداك الضالم
ميصر عبد اللطيف 20 7 2023 المغرب
ليست هناك تعليقات:
إرسال تعليق