القربان
تولدنا فزمان القربان
تزدنا فعهد الحكاية
حتى شاب عرفوه إنسان
ونساوه فالبداية
الصغير اكبر فمحان واحزان
والكبير اخرف روايتو رواية
ساخط يحلف
على غدايدو يشتف
عيا يبرح حلقو جف
وسكتوه بديك اللهاية
ايمتى تصب شتا
وتزيان الحالة
الذيب الحرامي
والجفاف ولد العمالة
خلاو حصيدتنا
حالتها حالة
والبير اوكح وجف
والمحراق تهري وتلف
والتحرق نادر البالا
لاشكيتي صوتك مخنوق
وسط البلبالا
لادويتي خاصك بوق
صوتو فالسما يتعالا
وشكون سمعك فالسوق
ياخيي غير الهيلالا
سوق فيه بنادم قربان
والحق تباع فمزاد دلالة
حصيدتنا فركتها لعجاج
حالتها راها حالة
ونقبنا داك الدجاج
داحسنا على فديك النخالة
والطريق المتصول ارجع فيراج
والصبر راه فرانا وسالا
ميصر عبد اللطيف 31 7 2023 المغرب
ليست هناك تعليقات:
إرسال تعليق