الاكاديمية العربية المغربية للشعر والأدب

بـالعــــامـــيـــة المصـــريــــة :

===============

** ( أنـــا مـسامح أنــا مسامح ) **

    -- 1 --

 تعبتيني ...

 وسبتي الدمع من عيني ..

على خدي يسيل أنهار ... 

سقيتيني كاسات الهجر ..

من إيدك شقا ومرار ...

وخليتي نهاري ليل ..

وغربة عمر م لها قرار .. 

ولاانت هنا.. وانت انا

تعبتيني كتير جدا 

اوووي ياروح

      -- 2 --

وحشتيني ...

  وكان نفسي تضميني ..

وأعيش جنبك .. 

ادوب لمّا تلاغيني ...

وأعيش مرتاح ... ف دنيا براح ...

وجودك جنبي يحييني ...

   --- 3 --

وجعتيني ...

لقيت نفسي حزين تايه في وسط بحور ...

لقيت قلبي ... غريب مكسور ..

وغربة عمري مكتوبة ...

ماهيش بإيدي أنا مجبور ...

تضيع ويايا ف سنيني ...

       -- 4 --

تعبتيني ...

وأنا الحارس على بابك ...

وأنا العاشق ف محرابك ...

م أنا لسّاني بهواكي ...

أنا روح هايمة ف سماكي ...

وقلبي حمامة مهما تطير ...

تعود من تاني لاعتابك ...

أموت وعنييك تحييني ...

       -- 5 --

وجعتيني ...

أقول يارب ياعالي ...

ياريت الحلو يصفالي...

تضوي ف يوم قناديله ..

وياخد إيده بإيديا ...

ويمسح دمعة ف عنييا ..

بقالي كتير بناديله ... 

يارب تحقق الرغبة ...

وأشوف الورد يوم طارح ....

ولو مرة ...

            - - 6 - - 

تعبتيني ...

 ولو مرة جرحتيني ...

ولو مرة دبحتيني ...

أنا مسامح .. أنا مسامح ...

كتير جدا اوووي ياروح ... 

***** &&& *****

شعر د : كمال ياسين الغزي