فرحة قلبي
بقلمي /عبدالحميد السماحي
معايا يافرحة أيوه معاك
إزاي بقلبي عمري أنساك
إنت نبضي ساكن روحي
يسعد الله صبحك ومساك
إيدي فى إيدك يلا لبكره
دا إنت الحب صفايا صفاك
دايم الوصل بحبك هايم
قايمه شموعنا بتترجاك
إنت شمس الحب حياتي
وفكر ورغبة بتتمناك
ملكنا الحب حياتنا سعادة
إنت فى بالي إزاي هنساك
وادي الفرحة هو وادينا
البساطة بحرك مش بعصاك
موجة البحر عيونها عيونا
شبكة وند مشفتش قساك
شمسك دافية فيها حنينا
ملكنا الصدق هنايا هناك
روحك بهجة صافي النية
فى صمتك حتى سامع غناك
دمك دمي خفيف الروح
تبعد عني دايما الأشواك
سرك سري شرابنا الحب
كل زماني عشته معاك
أرضك أرضي صافي النية
ورودي ورودك دايما ألقاك
كل المطر فى حبك خير
بحب الحب ماشي بحذاك
فرحة عمري الغيرة تاكلني
طرف عينك أو حتى قفاك
لحنك لحني وترك وتري
إنت المسك والله ما أحلاك
أشم نسيمك بقيت قدري
كل شعري كتبته فى نداك
بقيت شايفك فى كل أحبابي
إنت الفرحة منايا مناك
معايا يافرحة أيوه معاك
بقلمي
د: عبدالحميد السماحي
مصر 🇪🇬 محافظة كفرالشيخ
ليست هناك تعليقات:
إرسال تعليق