اغنية عرفتى قيمتى
أدهم عبده مجلى
(أدهم العوضى)
★★★★★
يا اللى حكايتك معايا احلى من ألف ليله
روحتى وسيبتى هوايا وسنين كانت جميله
وبعدتى عشان غرورك
ببطوله اداكى دورك
والدور يا دوب مرورك وعيون بدموع كحيله
★*★*★*★
سيبتينى وسط حيرتى وروحتى للسراب
معرفش ليه كدبتى بتقولى إنى اللى ساب
وجايه تجيبى سيرتى وتقولى ده قلبه داب
دلوقتى عرفتى قيمتى لما شفتى العذاب
وبعدتى عشان غرورك
ببطوله اداكى دورك
والدور يا دوب مرورك وعيون بدموع كحيله
★*★*★*★
بطولتك إن قلبى
عاش غشك فى الحقيقه
مثلتى الدور عليا
مثلتيه بمية طريقه
ولا كان عندك ضمير
عايزانى اكون دوبلير
للى جرحه خطير تبكى وعامله البريئه
وبعدتى عشان غرورك
ببطوله اداكى دورك
والدور يا دوب مرورك وعيون بدموع كحيله
يا اللى حكايتك معايا احلى من ألف ليله
★*★*★*★
مثلتى دور بطوله
كان بس فى مشهدين
مشهد بعتى اللى حبك
والتانى كان حزين
والدور لايق عليكى
بدموع ماليه عنيكى
ماخلاص مبقتش ليكى يا اللى بعتى السنين
ما بعدتى عشان غرورك
ببطوله اداكى دورك
والدور يا دوب مرورك
وعيون بدموع كحيله
يا اللى حكايتك معايا احلى من ألف ليله
روحتى وسيبتى هوايا وسنين كانت جميله
★★★★★
أدهم عبده مجلى
(أدهم العوضى)
ليست هناك تعليقات:
إرسال تعليق