لما ماتت حته مني
ربي عوضني بالبنات
واحده مسميها قمر قلبي
والتانيه أختها نور العين
أما الكبيرة فهي ضي العين
دايما معاي جوه البيت
وهي الآن عمود البيت
نضحك نهزر نغضب
نكشر كله جوه البيت
يارب بلغ أمهم مني التحية
وإن الامانه جوه العين
وإن الرسالة هتكتمل
بفضل ربي ورحمته
صحيح بنحزن لما نذكر اسمها
كان نفسنا تكون جنبنا
لكن عزانا أنها عندك
وانت يارب أرحم مننا
يبقي ليه ندخل عندنا
واحده تفشكل حبنا
ويبقي كل همها تحويش فلوس ومنظره
وفي الآخر تقولك ماهو كله من عندنا
قال يعني جيب الفلوس
من عندهم
واه يا عيني لو خلفت
تبقي خلاص اتهببت
تقعد وتؤمر وتعمل سيده
طب خلاص خليك عندكم
وخلي أبوك او أخوك يتحملك
وفيه حد تاني مشكور ينصحك
عيش حياتك قبل الفوات
بكره تكبر بكره تصغر
شوفلك حد يعيش معاك
قال يعني سيادته مبسوط
وعمال ينهل عسل وشربات
والحياه معاه حلوه جميلة
وسكر نبات وبلح أمهات
وفي الحقيقه هو في مشاكل
ينعقد لها الديوان
ويشكي مره الشكوي
من الجواز وال شاره عليه
ويلعن نصيبه
وال كتب الكتاب
خليك يا أخوي في حالك
وانهل واشرب من جرة
العسل ال معاك
وإياك في يوم تيجي تشتكي
لأني ساعتها موش هنصحك
لكن هسيبك تشتكي
وتنوح علي آل فات
أما إحنا خلاص حمدنا ربنا
ورضينا بالموجود عندنا
نعيش ونضحك ولا حد يدخل عندنا
وكمان بنشرب عسل وشربات
اكرم كبشه
ليست هناك تعليقات:
إرسال تعليق