أبويه كبر
بقلمى منصور ابو عبدالله
************
أهو كبر ابويه وقل حيله
لوبيدى اديله من عمرى كنت اديله
انحنى ضهره وظهر كبره
لو ينفع زى ما شالنى النهاردة اشيله
**************
الطب فيه لاجل الحياة نقل دم
معرفوش يخترعوا نقل عمر
والحياة تغور بلا اب وبلا ام
ابويه فى كبره الف سر وسر
***************
ابويه كبر من شيله لهمى
وشاب شعره عشان عمرى
وكفايه انه جابلى ام زى امى
ابويه كبر خوف على زعلى
******************
ابويه كبر وانا مقدرتش تعبه
كان يبكى ايام من المه
ولما يبكى كان يدارى عنى دمعه
ويصرخ من جواه وعمر ما حد سمعه
****************
ابويه كبر واحتاجنى فى كبره مقليش
وكان كل يوم بيموت علشان اعيش
حتى لما انحنى ضهره محسسنيش
وانا مخدتش بالى اصله للوجع معلمنيش
*****************
راح عمرك يا ابويه وانا بجافيك
كنت بتراضينى دايما واجى عليك
وعاوز اخد منك علطول ولا اديك
وانت تفتكرنى وانا دايما ناسيك
*****************
اتارى العمر بيك بيعدى ويمر
فيه نقل دم ينفع نقل عمر
كنت من عمرى اديك واشيل عنك المر
ابويه سامحنى انتى اللى علمتنى بيك اغتر
*****************
بقلمى منصور ابو عبدالله
أبويه كبر
ليست هناك تعليقات:
إرسال تعليق