الموال ...
حبيب القلب الغااالى ..... أبو أحلى غمازتين
دوبني هواااه وغرامه....ياناس بنظرة عين
لا مرة حس بيا......ولا حن فى يوم عليا
قولوله إرحم شويه....وقولولى أشكى لمين
الاغنيه......
آه منه ومن جماله حبيته ومش في باله
والقلب إتعلق بيه من بعد ماكان فى حاله
أنا كنت يا ناس فحالى وهواه شاغللى بالى
كان قبله قلبى خالى معرفش إيه جراله
يا جماله و يا جمالي. لو يوم يرق لحالي
وأكيد حيكيد عزالى. لو خف شويه دلاله
الدنيا معانا حتحلى. وحياتنا حتبقى أحلى
م الأحزان قلبى حيخلا م الفرحة اللى جاياله
آه ياجماله آه ياجماله قلبى أنا وعيونى ندهاله
وكمان روحي رغم جروحى. فاتت جسمي اهه ورايحاله
واعمل إيه مانا دايب دوب. وف غرامه بقيت مغلوب
وقالو ده مقدر مكتوب. وأنا مكتوبللى احتار فاحواله
.......بقلمى......
د/ابراهيم على مسلم
ليست هناك تعليقات:
إرسال تعليق