كلمات/, صبرى عبد الواحد الحساني
معلم بمدرسة الإصلاح الزراعي بنجع حمادى
محافظة قنا جمهورية مصر العربية
صعبان عليه نفسى
صعبان عليه نفسى
من اللى عملوه فيه
اقدم الخير والحب
الاقى الرد اسيه
افرح أنا لفرحهم
ويتمنولى هم الرديه
أدى وما اطلبش اخد
اتاريهم طمعانين فيه
ياما أنا فرحتهم
وياما بكوا عنيه
كنت ليهم سند
وإدارى الوجع اللى فيه
خلو حياتى عذاب
وجابوا وحطوا عليه
السمع كان والطاعه
. والمصلحه منتهيه
اكلونى لحم وعظمى
رموه قدام عنيه
حبيتهم وكنت ليهم
كنز أو قول لقيه
اتاريهم أصحاب مصالح
دا كان سبب الملاغيه
صعبان عليه نفسى
صعبان عليه نفسى
ما أنا كنت قاعد فى حالى
كافى خيرى شرى
ومش حاطط حاجه فى بالى
اللى راح مايلزمنيش
واللى جاى ما هوش فى بالى
اخدونى بين دراعتهم
وغيرولى كل حالى
خلونى نسيت يمينى
ومش عارف فين شمالى
صعبان عليه نفسى
صعبان عليه نفسى
انى وثقت فيهم
كنت اكون محتار
فى لحظه جنبى الاقيهم
يحتاجوا مهما يحتاجوا
ما ابخلش وكنت اديهم
امانه يا ناس قولولى
يستاهل أبكى عليهم
كلمات /,صبرى عبد الواحد الحساني
معلم بمدرسة الإصلاح الزراعي بنجع حمادى
محافظة قنا جمهورية مصر العربية
ليست هناك تعليقات:
إرسال تعليق