الثعبان
________
بس افتكر ان أنت البايع
والقلب البايع خسران
لما سرقت الزمن الضايع
وطويت قلبي مع الحرمان
كنت تحاور كنت تلاوع
ويتوه فكري واعيش حيران
عشت الدور والدور كان بارع
بس عنيك بتقيد لوعان
لابس زي التقوى الوارع
عامل فبها انك انسان
كل كلامك بالنور ساطع
كنت الواعظ كنت شيطان
استنيتك بالخير زارع
طال الصبر كأنه ماكان
واما طلبت الوصل تمانع
وتقول بكره يكون له أوان
وتسيب قلبي ف وجدي يصارع
هايم طول الليل ولهان
خالي القلب وعشت مخادع
تطلب ودي مع الإحسان
ابعد وانسى اجيلك خاضع
شوف لك حيه تلوف تعبان
أنا قلبي الأخضر بقى يانع
جنة حب وبر أمان
=======
بقلمي سامح توكل ابوالسبح
ليست هناك تعليقات:
إرسال تعليق