طيور مهاجرة
تكلمات على غرامو وبكات
تكلمات على شوقو وبكات
تكلمات على ضحكتو وبكات
تكلمات على غيابو وبكات
توحشاتو شحال بكات وبكات
لميمة لميمة شحال شكات
الأيام بعدو ما تحلاش
الحياة بعدو ما تسواش
نبقى لوحدي وعلاش
روحي قدامو ماتغلاش
بغيتو يرجع وعلاش بلاش
بلاصتو ما يعمرها غيرو
خوتو ما عرفو مايديرو
ملي تسولهم يحيرو
ما صدقو يكون هذا مصيرو
عقلو وتفكيرو غايطيرو
بعدما خاذ شهادتو
هاذي بلادو رفضاتو
حتى وظيفة ما قبلاتو
الهم والحكرة فهراتو
ماتبع وصية ميمتو
نطلبو الله يصبرنا
هذا هو كان مصيرنا
عكس كل ما تمنينا
الهجرة هدمات ما بنينا
ربي يعوض علينا
كن اسمعني من البداية
قطران بلادي والشكاية
عسل بلادهم والنهاية
نتمنى من الله الهداية
يرجع وليدي وهنايا...
المملكة المغربية 020218
الدكتورة فاطمة الزهراء الرئيس
ليست هناك تعليقات:
إرسال تعليق