قصيدة بعنوان
(إلى زوجتي؟؟؟؟؟!)
أنا ببعت لك تحية
وسلامي.
لل ربت لي العيال.
هي أغلى من كل مالي.
هي أجدع من الرجال.
هي خلت لي بنات
فوق فوق من الخيال.
علم وأدب وإحترام.
وذوق غير طبعا الجمال..
هي أصلا بنت راجل.
بنت أصل ومن جذور.
إحترامها شيئ واجب
شيئ مقدس كلامي ليها
شعر وكتبته من جوا قلبي.
بيت بيت ماهوش مقال.
لو هاتعرف حقيقة مراتك.
هاترفع ليها راية بيضاء
مش كلامي كلام ربي
كرمها بسورة كامله سورة
النساء غير رسولنا
وفي أحاديثه وصان
و قال.
هي مش خدامه عندي
ولا كانت جاريه في بيتها
جت لي حرة وبنت باشا.
شيئ حقيقي ولافي إحتمال.
لي منها أربع ولاد هما عندي
قطعة مني ومن جناتي ودمي
أشبه وأحلى من الغزال.
حور سبحان ال خالق.
وإعترافي بخط إيدي.
لو هاوفي هاشيلها فوق
راسي وهاكون مقصر.
للقلب ال عانى وال تعب
وال حط وال شال.
لو إنت عنتر متعملش عنتر
عليها وتبقى أكتر من البغال.
تضرب وترفس لو هاتعرف
ليها قيمه هي أغلى من
كل حاجه هي أكمل من الكمال
الرجوله إنك تشيلها جوا
قلبك وتحتضنها هن القوارير
ياباشا مش جايين من
ورا البهايم والحمير والجمال.
هي ال نفخت وطبخت وغسلت
لك هدومك مين بتهندم لك عمومك
ونامت بعرضك وطولك
وغطت وداوت وليك حلال.
لو هاتعد ليها جمايلها حصري
دا بالنسبه ليها أتفه ميثال.
إلى زوجتي إحترامي وإهتمامي.
هي الحبيبه والقريبه صاينه
بيتي وصاينه عرضي لو عطيت
وهاكون مقصر عمري ما هاقدم
غير جزء من تعبها لو مالت
الدنيا كانت مالت مع ال مال
هي عشرة وهي حضن وهي حب
لمسة وحنان قلب ورعاية
وود وعطف ووصال.
الحياة خد وهات صحيح
الدنيا صعبه بال فيها وبقرفها
ورجولتي إني أحتوي ضعفها
وأصبر لو قالت شيئ
ما يعجبنيش
ولو صار بينا خلاف أو
أي جدال.
وأنا بقولها وبعلنها صريحة
ياحب من غير عزال
بالمحبه وبالوفاء وبالأصاله
حفظاني في غيابي
يا أم العيال.........
زمن سي السيد ولى وعدى
سبحانه من غير من حال لحال
إلى زوجتي.......
3/8/2023
(ترنيمات وخواطر/بقلم...........)
(شاعر العاميه/خيرى حسنى...)
ليست هناك تعليقات:
إرسال تعليق