السوق
سوقنا ولا سوق من
حالو غريب داك السوق
فبابو عطار بالبوق
هاعشوب ماشافها مخلوق
ها بيض گاگا مصلوق
ها الاءمنيات هالوعود
ها الزعتر النبگ ابنبگ والقوق
كالداوي تشفي الاءبدان
من بعيد ايبان الگراب
نعالة قديمة غطاها التراب
اميها باردة يا الحباب
بڑد بڑد يالعطشان
فوق ظهرو گربة ما
محزومة هي حزمة
وظهرو سارد ما
وجيبو راه لكحان
فوق راسو ديك تارازا
وعينو ترمش غمازا
ودراعية حمرا ماطرزوها طرازا
فيدو ناقوس يصدر الحان
وسط السوق بصير عكازو راشي
ايوريه الطريق بين الغاشي
في فمو كسرة خبز تلاشي
ماعندو نياب ماعندو سنان
راه يغني يغني ويقول
سوقنا كبير عرظ وطول
عكازي اعثر ونصحابو غول
فاق من نعاسو وخرج سنان
غول فسوقنا يصول ويجول
غول غول فمو ديما محلول
امشى فسوقنا عظ اوطول
غول مطلوق العنان
كرشو كبيرة ما تشبع
فداك الغار ديما يگمع
بعدما انهب اوجمع
فالولايم ديما سهران
سوقنا ولا سوق من
سوقي سوقك سوق من
حالو غريب داك السوق
كفة هابطة وكفة طالعة
وصروف مرمية حالو يبكي داك الميزان
گفة عامرة وگفة فارغة يلعبو بيها الصبيان
گفة فارغة وگفة عامر اشكال والوان
بقات في ديك العگوز
غير الزحام ومنين الدوز
فوق راسها قلوش سمن
وفوق ظهرها شكوى لبن
والسوق حامي طرحو سخن
تشكي تبكي تصرخ ومن سمعها من
تشكي تشكي تصرخ وصماكت لوذن
سوقي سوقك وسوق من
طاحت الگلة وذاع السمن ذاع وراح
طعمو ما بقى يروق
طاحت الشكوى وذاع اللبن ذاع وساح
فزناقي وطوق
طاحت الكلمة طاحت الحشمة
طارت الرحمة هزها الما
من تحت والفوق
ميصر عبد اللطيف 4 2 2033 المغرب
ليست هناك تعليقات:
إرسال تعليق