بقلمى منصور ابو عبدالله
**********
بكفياك يا قلبى عذاب ومر
اكسر قفل سجنك وعيش حر
لساك متعلمتش وعرفت السر
العشق فى زمنا بيقصف العمر
*************
ايه الفايده تحب حد ومتتحبش
واللى تحبه يدوسك وما يهتمش
حب ايه اللى يجرح وميطبش
جرح القلوب واعر وما بيلمش
*************
كل البنات عشقوك من شعرك
واللى تتغزل فى عنيك
واللى تملس على شعرك
واللى تقولك انا عشقتك
واللى تكتبلك ...واللى تحلفلك
واللى تسهرك وتسهرلك
وكلهم قالوا بحبك
وبتحب قلبك وتعشق اسمك
************
بس كلهم عليك كدبوا
ولما ناديتهم ولا سمعوا
وقالوا انهم والله نسيوا
كلهم لما احتجتهم هربوا
************
حتى اللى حبيتها حب بجد
سابتك ياخد الموج والمد
وبنيتلها قلبك بيت بيدها اتهد
بطل يا قلبى تحب حد
**************
ولو قلبك سألك مرة عن الحب
قله بكفياك وعيش وحدك ياقلب
مشبعتش غدر وعذاب وضرب
طيبتك دى وقعتك فى الف مطب
*************
بلا حب بلا عشق بلا مرار
عيش وحدك ولا تحتار
دا العشق نصيب مش اختيار
بس النصيب معجون بالنار
*************
بقلمى منصور ابو عبدالله
بكفياك ياقلبى حب
ليست هناك تعليقات:
إرسال تعليق