♥كشف حساب♥
بدى اكمل وصف فيكى....
واكشف المستور
بشوف الدمع ف عنيكى..
بيخدعنى وعقلى يدور
أصلى صلاتى وارقيكى....
تفاجئينى بهذا الدور
دموعك حاضره بعنيكى..
وكلامك صلف وغرور
كتبت الشعر دا ليكى....
وكنتى انتى الهوا والنور
زرعت ف كل أراضيكى...
جنيت الشوك وأرضك بور
وكنت أسمع غناويكى.....
أهيم وأسرح وأبقى غيور
وكل كلامى يرويكى.....
وطبعك مالى قلبى كسور
عشت سنين فارد قلبى بساط ليكى.. وقولك أمر انا المأمور
~~~~~~~~~~~~~~
ولما الدنيا عاندتنا أوام بعتى
وضيعتينى بسزاجه وقبل
مضيع انا ضعتى
وعايشه ف دور مجنى عليها
وجيتى عليا ودبحتى
أنا مليت هواكى خلاص سواء عندى سبيتى عليا ومدحتى
معادش قلبى متحمل
ميشغلهوش جيتى أو رحتى
هوفر شجنى ف ضلوعى...
وأحول حبنا لنفسى
وهخلى الحب مشروعى
وهأسى أضعاف ماتأسى
~~~~~~~~~~~~~~
وداع ياحب ناقص ضلع
وداع ياسكه مسدوده
وداع ياعيون ماليها الدمع
وداع يامهجه محسوده
وداع يالقمه رافضه البلع
وداع يامحنه ممدوده
ياقلب يستحق القلع
بقت ايامه معدوده
وداع هتعيش سنين المنع
خلاص مبقتش معبوده
عود للأصل وانسى الفرع
وقول مرحب بدى العوده
~~~~~~~~~~~~~~
الشاعر/عصام رزق
ليست هناك تعليقات:
إرسال تعليق