ياعاشق عاشق الزين
واش عندك شي سلاح
الحب وحش وتنين
شحال عذب من رواح
ماهو وردة وسطرين
وقليب مرسوم فلواح
الحب دموع فالعين
والعشق بكى ونواح
الهوى يجرح سكين
والشوق راه سفاح
طريقو حجر وطين
وليلو كوابس وشباح
الغرام نوارو يسحر العين
وشوكو راه دباح
ياعاشق لاتكلم لاتسول
قلبك عالجفا يكون امعول
وتولف غيابو ولا تسول
وترضى بحالك لالا تهول
الحب راه مايعرف مزاح
تسهر الليل وتبكي بنهار
والقلب عليل والبال محتار
الشمعة وقنديل يعطوك لخبار
والدموع وصوت نواح
ميصر عبد اللطيف 3 8 2023 المغرب
ليست هناك تعليقات:
إرسال تعليق