لصديق بيسألني .. الواطي يتعرف أزاي ..
.......... الواطي بيبان ..........
**********************""
الواطي بيبان من وسط ألوف
وكمان ملايين من غير ريبه
معروف والأصل عليه غالب
مهما يحاول يرسم طيبه
فعله وغلاب لصحاب وأحباب
والأصل بيغلب لعيبه
وشه ومكشوف ولا عنده كسوف
وكأن الحاجه ام وهيبه
ولدت لجنابه فى شهر أمشير
أو يمكن ولدت ليه فى طوبه
دي جينات بالدم تزن تزن
وتطغى كابركان له هيبه
وقليل الأصل مايحفظ أصل
ولا يعرف معروف أو عيبه
بيبان في مواقف وكتيره
والشدة أهي بتببن خيبه ..
وأصيلنا يبان من بس سؤال
من حسبه بسيطه لحسيبه
ووقوفه مع المظلوم دايما
هنا ضد الظالم ما غريبه
للحق مساند طول عمره
منتظر الأخرة ودي أكيده
يااارب تثبت أقدامنا
وأقدام ولاد الهليبه ؟
وأدينا على مقدار نيتنا
وأرحمنا في يوم شمسه رهيبه ..
بقلم .. ياسر فؤاد الجدي الجدي
الأحد .. ١٣/٨/٢٠٢٣
ليست هناك تعليقات:
إرسال تعليق