غيمة وفاء
وايه فائدة وفايا
اذا انا فى يوم ح اخونو
كتير من حبو خانو
وبارحو الحب المو وشجونو
بس انا اميرى محال اخونو
لانو قليبى أسير عيونو
ولو اوفيتلو ما عشان خاطر صفاتو
بس عهدى القطعتو معاهو
الزام ولابد على اصونو
وهل يعقل افوت دربا سلكتو
وتهت فى عزفوا وفنونو
وانا القدمت روحى فداء ضحكه منو
كيف ياربى فيا تخيب ظنونو
********
ونحنا هناك زى نجمين
مهما طال فراق أو بين
يانا روح واحده فى جسدين
ولو ما اتلاقينا في الدنيا
اكيييد فى الاخره هناك احلى اتنين
وقصتنا محروسه بى برا ويس
*********
وانا غيمه بتنقط وفاء
وقليبى ماخد من موية النيل
عذوبه وامواج من صفاء
وانا زوله صدقى من صدق
وطيابة شعر ابوى حميد
ومن الحان وعظمة مصطفى
💝💝💝
بقلمى✍
مشاعر عمر محمد
جمهورية السودان
ليست هناك تعليقات:
إرسال تعليق