ولا حاجه دايمه (624)
..................
هات اللي عندك يا زمن
راح فين أمانك
بقى يوم ما تصفا
وهبتسم
تقفل لي بابك
عايش بدور
عاللي راح حاضن عذابك
واخد مقدم عمر راح
ضحيه منابك
نص ألم ودموع
والباقي بال موجوع
شفت الضنى والجوع
ولا قولت مالك
تكتب في ميه موضوع
مسحت دموعي سطور
باقي أيه فى حسابك
كل الورق وياك
وأنا فين نصيبي معاك
لا صحه يوم بتدوم
إن حظي ده المقسوم
راضي أكون مغلوب
وأفرح شويه
كان حلمي أعيش مرتاح
وفى دنيا تانيه
يرويني طعم الهنا
والصحه دايمه
لا حزن يشغل بال
وأنسى الوجع لو مال
شاكر بحمد الحال
أعظم هديه
هات اللي عندك يا زمن
كام باقي ليا
لا عاد في طعم لإبتسامه
وفرحه غايبه
إحسبي لي عمر ضاع هدر
طمعان فى دنيا
ودفاتره دابت من الوجع
ولا حاجه دايمه
بقلم .. صبري رسلان
ليست هناك تعليقات:
إرسال تعليق