آنا مين
بقلمي جمال القاضي
أنا مين
أنا الفقير وبالإسم عايش
وتايه مابين الناس لكن
مع الأسف في الحقيقه
بين الأهل والجيران مفقود
أنا ال شافني الغني مره قال
عني ابعد بعيد بلا قرف
وخلي مابيني وبينك حاجز
وخلي كمان للكلام مابينا
الف حساب وحساب وللنظر
مساحه واعرف لها فين
تبقى لآخرها وللكلام
معي فين تنتهي له حدود
أنا المسكين وسط الشوارع مشيت
وغنيت من قصايد الألم
قصيدة وكانت كلها
مقام ومقال من حزن وشجن
وطريق طويل بالحياه مشيته
وكان من أحلامي حلم وأمل
أعيش يوم فرح وأبقى أقول
والله أنا اليوم مبسوط
طريق طويل بالحياه طويل ومشيته
مره على شوك ومره على رمله
وباقي الطريق على حصى
قلت أصبر والصبر ماله حدود
وبعد الصبر للأسف نهاية الطريق
رغم الصبر والألم كان الطريق مسدود
عجبي عليك يادنيا فيك الحزن
نشيد وفوق الوتر عزف
وخلى القلب منه رقص لكن
شوفته من مر الوجع زي طير مذبوح
ليست هناك تعليقات:
إرسال تعليق