كلمات مجدي الامام محمد
المجنون
انا اللي نايم على الرصيف
انا المقرف ابو شكل مخيف
وكلامي كله حبت تخاريف
هقول ايه بس عن نفسي
لانا عارف لوني ولا رسمي
ولا حتى ايه يكون اسمي
وكل شيء فيا ضعيف
انا زي شيء الناس رامياه
على الرصيف عايش وياه
لا ليا لازمه ولا قيمه
الناس شايفاه ومش عاوزاه
سايبيني ليه بعيد عنكم
انا بردو ابقى واحد منكم
ترموني انتم بني ادمين
وكلب وقطه عايش بينكم
ايه اللي غير حال الكون
ردوا يا عقله على المجنون
ولما تيجوا تعملوا خير
الانسانيه عليكوا تهون
ليا رب اسمه الكريم
حاسس بيا قوي وعليم
قادر على كل شيء
يشفي مريض ويضر سليم
كلمات ،،مجدى الامام محمد
ليست هناك تعليقات:
إرسال تعليق