ماهموني غير الأخلاق الى ضاعو
الفلوس الا مشاو ربي الغني الكريم
للي يتبعهم يعيش حياتو شقي ولئيم
ما ضرني غير ليتيم مالقى للي يفاجيه
يتعذب بكثرة لوعود هنا ولهيه
ليه ربي كبير قادر يعطيه ويغنيه
ما همني غير الصديق تبدلو طباعو
شحال من بنادم تدفن بسباب طماعو
اتبع الشيطان للي غواه وطاعو
دوك الفضوليين للي ما شراو ما باعو
بالزور سوقهم خاوي ماشافو ماسمعو
ليك الله يا قلبي ما بقا اللي يفرح
ما بقات خبار زينة كلشي يقرح
انا بعدا ما بقا لي لا ما نزيد لا ما نطرح
اللي عندي گلتو بلا ما نعاود نشرح
وقف شوية تامل مع راسك راك تعرف
بالفيريتي نقصد الرشوة والمحسوبية
نتكلم على الحگرة والحقد والكراهية
بلا ما ننساو الفساد والضياع والزبونية
غلات المعيشة حقوق المسكين منسية
مشات الإنسانية نسكت صافي براكا عليا
المملكة المغربية 240922
الدكتورة فاطمة الزهراء الرئيس
ليست هناك تعليقات:
إرسال تعليق