عنادك
عبدالله رجب ابوعدنان
سر عنادك إيه دا ذكرى وحب قديم
سنين فاتت عليه وربنا وحده بالسر عليم
دالوقت أنا ليكي وبين يمينك
ف شروقك وغروبك وعايش ما بين جفونك
راحتي وسكني وماليا إلا حضنك
ولو جابو لي ميه واحدة غيرك ما تدخل دماغي من صنف الحريم
وهبتك عمري وسنيني
يا ضي ونور عيني
كلمه حبيبي تكفيني
وايد حانيه زي النسيم
ليه تعاندي ونقلب ف المواجع
مهما الف اديني لحضنك راجع
بسمع حديت واشوف وعنيا بعدك ما بتشوف
مشغول بيكي حتى وانا بصلي ف الجامع
وربنا غفور رحيم
أيوة عرفت كتير قبلك
طرحت بالحب سنابلك
يا حبيبتي لابعدك ولا قبلك
يخليني عن الغرام اصوم
عنادك بقلمي عبدالله رجب ابوعدنان
ليست هناك تعليقات:
إرسال تعليق