قصيدة التريند
كلمات أيمن البكري
التريند بقا موضة العصر
وكل واحد بيصحي من النوم
أول حاجه بيسأل عليها
السوشيال ميديا إيه إل فيها
وعلى الحال داه كل يوم
بقا شئ أساسي بنسأل عليه
التريند النهارده بيتكلم عن إيه
التريند النهارده
عن بنت كانت ذى الورده
إستغلها شاب عاطل
سرق صورها وهددها
إنه هينشرها
لما تعبت وذهقت وجابت أخرها
سابت رساله عبرت فيها عن تعبها
موتت نفسها
وفى لحظة ضعف الشيطان غلبها
التريند النهارده
عن فيلم أفكاره مش إل هى
بعيده عن مجتمعنا شويه
وناس كتيره مش عاجبها
ممثله بتقلع قدام الكاميرا
ملابسها الداخليه
ناس كتيره معترضه
إذاى ولادنا يشوفوا كل داه
عايزين تعلموهم إن مفيش حياء
وناس شافتوا شئ عادي
فن هادف وإسلوب حياه
التريند النهارده
عن بنت بتنزل فيديوهات
على التيك توك
فيديوهات مخله لل أداب
ولما جاه وقت الحساب
وبقت قضيه ومحاكمه
فجأه لقت نفسها
تريند على الفيس بوك
فجأه بقت متهمه ومستنيه حكم
التريند النهارده
عن واحده حلقت شعرها
وبنت متصوره
وهي كاشفه ضهرها
وواحده بترقص فى فرح
وواحده عقلها مع الشيطان سرح
ودلوقتي تسف تبقى تريند
تلف تبقى تريند
أى حاجه غريبه
أي خلع أي قرع أي عند
هتركب التريند
وفجأه تلاقى التريند إتحول
وعلشان توصل للحقيقه فتش ودور
التريند تلاقيه على ماتش كوره
أو بنت منزله كام فيديو وصوره
أو عن خناقه مطربين وممثلين
أو عن واحد بيحرف ف الدين
أو عن مهرجان جديد
أو عن الأسعار إل كل يوم تزيد
وبقينا نشوف ناس بتعشق العند
وناس ممكن تعمل أى حاجه
علشان تركب التريند
أيمن البكرى
ليست هناك تعليقات:
إرسال تعليق