عنوان النص
انادى عليك
💜💙❤
وانادى عليك
واغرق فى حدق عينيك
وحتى الشوق بجيبنى عليك
ياسيد الحروف انت
وحات شوقى البسوقنى اليك
اسمح لى
اغزل من حروفك لى لوحات
ومنك بس وحات الاهه
لوكان جات
تشيل تعب السنين منى
وتزيل غبار عميرى الفات
وحاتك انت لو شفت
بعد الثانيه بى الاهه
وغيرك انت بس بالذات
حياتى بلاك تقول هى ممات
ياسيد البسمه الضوايه
ويانسمة خريف مطرتو
هاديه ماقوقايه
وياسيد الايد الممدوده
وكمان عطايا
ممهول ووافر طيبك
وقربك بخلى النفوس رضايه
وكتين دنيت روحيتك لى
قصرت المسافه البينا
بقت أقرب من سبيب شعرى
وكمان قلبى نبهنى
انك انت بس قدرى
وكان منى ليكا ياخى عتاب
وين ات كنت من بدرى
يا إشراق صباحى ومناجاة ربى
ودعواتى الصادقه فى فجرى
وياهمساتى لى طيفك
فى جهرى وفى سكاتى فى سرى
وليكا حزمت كل اغراضى
وذكرياتى معاك وشنط سفرى
وياما كتير فى عز ليالى الحالكه
كنت لى ضيى وكت قمرى
واهه واواة لوتدرى
كيف بكون قلبى من غيرك
ياضراى وياسترى
واويلاه لو الدنيا فرقتنا
ونامت احلامى فيك
وسبقتنى لى قبرى
💝💝💝
بقلمى✍
#مشاعر#
ليست هناك تعليقات:
إرسال تعليق