كلمات وتأليف / يحيى المنياوي
أيام زمان...
وكان يا مكان
الحب فى كل مكان
وريحة الحبايب
تتطوف علينا
زي النسمة فى البستان
ابويا أبو القلب الأبيض
الطيب الإنسان
وامى الحضن بحر فاض
مليان بالحنان
العم وي الخال والجد
والخال كان والد
وقت الشدايد والجد
والعم كان السند
لما الطريق ينسد
كان الأمان
وفى لمة العيلة والجيران
متجمعين فى الفرح
الايد فى الايد
وقت الضيق والفخ
والاخ لما اقول أخ
الاقى الضهر اتسند
والكتف اتفرد
والقلب بقى فرحان
آه ....لو ترجع ايام زمان
كنت اشتكيلوا الدنيا والأيام
اقولوا ايامى سبقت سنيني
والشعر إلى شاب قبل الأوان
ووشوش متبدلة
ملطخة بالألوان
بين بلياتشوا وبهلوان
وينداس الغلبان
بالقدم ويموت
والظالم كان جبروت
والصوت مسكوت
بفقر وذل وحرمان
وتفضل ذكريات زمان
فى القلب والعقل والوجدان
الحب والطيبة ودفىء المكان
وكل ركن من الأركان
فيه من ريحة الحبايب
وأعز إنسان
اه .....لو ترجع أيام زمان
ليست هناك تعليقات:
إرسال تعليق