واهيا الضمير!@!
بقلمي ابراهيم اللغافي
14-10-2023
أنا غادي...برجلي ماشي
معايا قلمي...في إيدي كناشي
يا ضمير...ما نويتي تعيني
أنا غادي....او ليك ما نحاشي
لا تسميني هذاك...عفاك واه عفاك
سميني الضايع. ..
من سوق لسوق دايع
ما عمرت ما سست خناشي
دمي صافي...او في قلبي
شعلات لعوافي...
عوافي لماضي اللي ما ناسي
لا تسميني هذاك...عفاك واه عفاك
ياهاذ الضمير...!
اعلي كثرات لكوش د.الجير
أنا غادي...غير قولي سير
غرقت ف ظلام الراحة..
ودني سامعة غ كلاب نباحة
يا ضمير...خليني انفرفر
راه مثلي عندو سر
اوما يعيش في البر
راه كيفي ناكر الشر
او غايص ف عمق لبحر
لا تسميني هذاك...عفاك نترجاك
شاء خضاري ف اطعام
او شلا قصاري لذام
شركوا امعايا ادغامي
حلفوا بالله قدامي
لقيتهم بزاف او عرام
واهيا الضمير....قولي باز
كيفي راه تمل...او لباطل اعزاز
او سوالي هو ...لاش الالغاز'؟'''
ما نعرف نشري...او ماني بايع
او ما ننسى لماضي
او على قسوحيتو ما راضي
فيه لقناي فيه لحاضي
أنا غادي...برجلي ماشي
معايا قلمي ف ايدي كناشي
او قلبي عامر بهم الغاشي
واهيا الضمير....
لا تتردد...بلاش اعليك تحير
غير طلقها اسراحي...
بلا تبندير. ..طلق اسراحي
لا تزيدني جرح على جراحي
تقهرت او سكران ساحي
سكران ساحي ....
بقلمي ابراهيم اللغافي
ليست هناك تعليقات:
إرسال تعليق