انا شاعر
وبكتب بكل مشاعر
باحساسى ومن قلبي
بعزف على الوتر والناي
مع الإحساس
بدون تجريح
وكلمه تداوي
قليب مجروح
كاني طبيب
واوصفلك من الكلام جرعه
تسمعها مرتين
والثلاثه تقوم
تجري كما الرهوان
كلامي مريح
مفيد وصريح
تلقائي بدون تحريف
في الشتاء او فى الصيف
ماليش مواعيد
ولما اكتب قصيده
فى ساعتها
بيبقى عيد
بحب الشعر
بكل بحوره
وشجونه وأشكاله
تعجبنى كلمه
اوضحكه
تعجبنى نظره
او همسه
أنا بكل بساطه
بيني وبين الشعر
كتاب مفتوح
بصراحه الشعر
غذاء الروح
بكل بساطه بحب الشعر
أنا شاعر
بكتب تحت أي ظروف
ونا زعلان
ونا فرحان
بقول الاه
من غير صوت
وساعات أبكي
ويبان عليا الضحك
ما احبش ازعل حد
برسم الضحكه
على الشفايف
وبحبس دموعى جوايا
وزى ما قلت الشعر ده
غذاء الروح
أنا شاعر بجري
وراه الكلمه ونا ملهوف
ولما بسمع بيتين من الشعر
اقول يا ريت
أنا إللى قلت
منهم بيت
أصل انا عاشق
بيوت الشعر
احب ابنيها بكل هدوء
واحط الكلمه على الكلمه
واثبتها
فى مكانها واسسها
كما البنيان
بكل بساطه بحب الشعر
محمد صالح محمد على
ليست هناك تعليقات:
إرسال تعليق