مش مرتاحين
بقلم سامي محفوظ حنا
لا في البعد ولا القرب
مرتاحين
هما مين كانوا قبلنا
في الحب زينا
مرتاحين
نشتاق نحب ولما نحب
نقول يا ريت القلب
ما حب
كنا من غير الحب
مرتاحين
على بر مش راسيين
نعيش من غير حب
مش قادرين
ولو حبينا نعيش
متعذبين
والعمر يضيع لما تجري
بينا السنين
والقلب يدوب من الشوق
والحنين
لحبايب في القلب وعيوني
منهم محرومين
هو ده نصيبنا غير كل
العاشقين
حبينا ناس قلوبهم
قاسيين
إحنا معاهم
مش فارقين
نبعد عنهم يبعتوا يقولوا
مشتاقين
نقرب منهم يبقوا معانا
وعننا متغربين
نعاتبهم يعاتبونا
على حبنا يلومونا
ونطلع إحنا الغلطانين
يرضى مين
لا في البعد ولا القرب
مرتاحين
بقلم سامي محفوظ حنا
ليست هناك تعليقات:
إرسال تعليق