باعته تقولي إفتكرني وقلبي نبضه معاك
دا إنت نور عيني وعيني إتخلقت لرؤياك
وبتشاور تواعدني قلبي بشوقه يستناك
أنا وإنت معايا باحن اليك وباحلم ألقاك
بتوحشني وانت متنفس هوايا وياهواك
واشتاقلك وانا عايش في قلبك وجواك
وإنت معايا بتوحشني يوحشني صوتك
ولو طال عليا غيابك توحشني صورتك
لما بتوحشني صدقني باشتاق لغيرتك
ولما تبص بس حواليك بتشغلني عليك
آغير من حضن جفونك لتكحيلة عينيك
وآه من أحمر شفايفك ومن حنة إيديك
وأغير من الورد وانا زارعه على خديك
دا انت عندي بالدنيا وباطوف حواليك
واخاف عليك من نسمة الهوا وآداديك
طب بذمتك بعد كل دا فاكرني ناسيك
لو نسيتك الاقي قلبي سابني ويجيك
ولو غيبت يوم عني ماقدرش اجاريك
وباسابق الزمن وقبل المواعيد أوافيك
لما تجيني هاسعدك وفي قلبي اداريك
وفي نني عيني أسمي عليك وأرقيك
#جمال_نصر
ليست هناك تعليقات:
إرسال تعليق