.....الدوامة......
يا السامع لي عفاك خذ
مني عبرة وافهم لكلام
صبت راسي غارق فالدوامة
كنت نقول انا عوام
اصل الحكاية كذبة
وتبعت الحلم الهدام
فكل ساعة حلمي يكبر
وندامتي صارت علدوام
خسارتي كبيرة ياحسره
والموس وصل للعضام
ماسمعت النصيحة ولا
صوت الضمير اللوام
ياالسامع لي عفاك
إيلا عثرتي تبت لقدام
مايدوم غير الصح بالمعقول
تكون رفيع المقام
اللعب يبقى ديما لعب
بالجد وحدو تزيد لقدام
و إل مشيتي مع الدوامة
والله غيرك مايتلام
تعود بحالي ياندامه
باكي على عيشتي فلوهام
ياالسامع لي عفاك
محمد كمال قطير
ليست هناك تعليقات:
إرسال تعليق