اغنية حرب الكرامه
بمناسبة انتصارات اكتوبر
أدهم عبده مجلى
(أدهم العوضى)
★★★★★
حرب الكرامه اكتوبر تخطيطها كان مدروس
قالوا عدوك سوبر أنا قلت هامشى وادوس
على رقبته وفوق راسه
راح اعرفه اصل اساسه
واللهِ لاقتل إحساسه
وهاخلى حلمه يبقا كابوس
★*★*★*★
وقف الجنود كده ع الجبهة
مستنى امر يكون بعبور
ولا كان هناك خوف او رهبه
ده هيخرجوا من ضلمه لنور
والله أكبر ملت الكون
والنصر ليكوا منين مايكون
واى صعب معاكوا يهون
وكان عبوركو عبر ودروس
حرب الكرامه اكتوبر تخطيطها كان مدروس
★*★*★*★
الجندى كان واقف يحمى
اخوه وما بيحميش نفسه
لو شاف عدوه كان يرمى
بنفسه ما يعزش نفسه
ما هو جندى صابر كله إيمان
نصر و شهادة من الرحمان
والجنه ليه مفتوحه بيبان
وحب بلده فيه مغروس
حرب الكرامه اكتوبر تخطيطها كان مدروس
★*★*★*★
شاف العدو واقف مغرور
لكنه بعد ثوانى احتار
لما الأسود عدت بعبور
قلبت حصونه جحيم مع نار
و ملايكة الله حارسانا
ضد العدو حاربوا معانا
صدق العزيمه ده خلانا
نقتل غروره ونذل نفوس
حرب الكرامه اكتوبر تخطيطها كان مدروس
قالوا عدوك سوبر أنا قلت هامشى وادوس
على رقبته وفوق راسه
راح اعرفه اصل اساسه
واللهِ لأقتل إحساسه
وهأخلى حلمه يبقا كابوس
★★★★★
أدهم عبده مجلى
(أدهم العوضى)
#الجميع
ليست هناك تعليقات:
إرسال تعليق