انا إللى صرخت
بعلو الصوت
وصوتى له /
في السماء صدي
ان حد يسمعني
ما فيش /
ان حد يرحمني
مافيش /
انا اللى صرخت
بعلو الصوت
ان حد يحوش
عني ما فيش
لا شفع صراخي
ولا شفعتلى دموعى
ولا قله حلتي /
ولا عطشي ولاجوعي
ولا طفولتى/
أنا إللى صرخت
بعلو الصوت /
وكل العيون شيفاني
وعامله مش شيفانى
الا من رحم ربي
بس برضوا سيبنى
وحداني /
انا اللى صرخت
بعلو الصوت
وقلت يا خلق هو
يا ناس غيتوني
غريق /
فى بحر النار
وزلزال الحصار
ودخان وركام الدمار
بس ياخساره
عيون مفتوحه لاخرها
شايفه ومش شايفه
وودان سمعه
ومش سامعه
مصبوب فيهم
نحاس مصهور
ولسان منزوع
منه الكلام /
وقلوب عاميه مصديه
ياخساره والف خساره
انا إللى صرخت
بعلو الصوت
محمد صالح محمد على
ليست هناك تعليقات:
إرسال تعليق