( الــدم العربي )
ء.............................ء
مسافة السكة وفركـة كعب !!!
وضعـك صعـب
فـين الوحـده
والقـوميـه
والحــريـه
وصوت الشعب
::
التبعيه طريق العبـد
بأمر السيد بـاع الشعب
ترفــع صـوتـك
ترفــع رايــــه
تهتف تصــرخ
تلعن تشتم فى التطـبيع
ترفض تطعن فى التفويض
سجنـك جـاهــز والـزنزانـه
وحكـم مؤبـد والاعـدام
::
السـلبيـه جـريمــة حــرب
فى وقت الشده
ووقت الحرب
والصهيونى لقيطة غرب
فجـر دمـر فى الأوطـان
سال الـدم على الجدران
وانت اتحلى بضبط النفس
رفــض بهمــس
بكلمـة شجـب
باستحمارك باستغـلال
ولعبة فيديو بألف ريال
::
فين الزعما والفرسان
فين المدفع والطيران
جيـشـك فيـن
فين القــــاده
فين الســاده
فين الصحوه
فين النخـــوه
فين الاخــــوه
هى النصره بأكل وشرب
هى مساعدة بالأكفان
ولا تويته وأعلى ترند
ولا بقوة فى صالة عرض
واجتماعات
واتصـــالات
واشتغـالات
::
أوعى تبيع الدم العربى
زى مابعت ..
وزى مابعت ..
زى مابعت اليم بتـاعك
أوعى تبيع الــدم العربى
أوعى تبيع الأقصى العربى
اوعى تبيع الأرض العربى
موطن جـدى والأحفـاد
ء.............................ء
( صلاح ألشيخ )
ليست هناك تعليقات:
إرسال تعليق