............ مرار الكوبايه .........
فلسطين مش علم ورايه
فلسطين روح وارض وكيان
عمرها ما غيرت لوون العبايه
ولا مكيچت طبيعتها بالألوان
ولا غيرت ملامحها ف المرايا
ولا داقت فى حياتها اى حنان
فلسطين شربت مرار الكوبايه
ف كل فصل من فصول الزمان
والثبات على ارضها عبر وايه
والعصافير مش لاقيه ذرة امان
مرعووبه من غباء كل الشظايا
اللى متعرفش يعنى ايه إنسان
تاريخ الأرض شايف كل حكاية
والشهادة بتتقال على كل لسان
والدم حبر موجود فى الدوايه
وكل نقطة له وزن فى الميزان
وصبر الحقيقه شايل وكفاية
وله وقت معلوم ح يظهر ويبان
ولسه بدرى على ستاير النهايه
والدليل صريح ف الكتب والقرأن
.........................................
.......... حسن الشوان 🇪🇬 .......
ليست هناك تعليقات:
إرسال تعليق