هيام الشهاوي مصر
فى الميعاد
★★★★★
حبال الصبر مشدودة
وممدودة على ناسك
اذوق المر علشانك
ويحلالى مرار كاسك
وشايفك وانت منهوبه
وحسك وانت منكوبه
وانا اللى إرادتى مسلوبه
في ذل وظلم حراسك
ونفسى فى فجر يطلع لك
ونفسى فى عدل يشفع لك
ونفسى فى غنوه ترجع لك
تغنيها بإحساسك
ترجع لك زمن عزك
تصحى النخوه وتهزك
ترد الروح لأنفاسك
ولو شفتينى يوم ساكت
حرام انك تسامحينى
عشان لوأمى يوم ماتت
هشيل عارك على جبينى
وهى شهاده مكتوبه
واهبها لأغلى محبوبه
أعاهدك فى المعاد طالع
أأذن وأعلن التوبه
نصلى الفجر في جماعه
ووطى أبوس على راسك
★★★★★★★★
ليست هناك تعليقات:
إرسال تعليق