كان يا ماكان
زهرة محمد الساهل
مجموعة غربان
نزحت من كل مكان
مشات لقبة
قالت هداك بيتها
هاديك ارضها
تسللت بحال الصرصور
لي مشتت ف كل مكان
مخبي ف الظلام
يسرق و يهرب
فاش يدير جنحين و يحسب
راسه كبير يولي بنهار يطير
يتكبر و يتجبر
ولات عنده حمية
عشش ف كل بلاد
حتى دق الاوتاد
بالدق و السكات
حتى قبيلته كبرات
وديك النملة لي كان
يطلبها اللقمة
برجليه بجوج عفس عليها
وقتما بغات تنوض
يهرس رجليها
و دازت الايام
النملة كبرات و قوات
لاحت الحجرة
و خرجات من مور الشجرة
و قصت جناح الصرصور
بقى يجذب و يدور
بحال الكلب المسعور
بدات الغربان تطير
كبير و صغير
و رجعت منين جات
تالف حكايات
و تقول و تعيد
غادي نرجع نبدا عهد جديد
و فين ما كانت شي قبة
تقول هنا جدي و جدة
هنا جذوري لي ساكن يخوي
والا كنتي طير حر اجي دوي
ليست هناك تعليقات:
إرسال تعليق