#الحلايقي
...
...
نتكرشخ
مصوَّر راسي ضاحك
وحياتي ومازال،
نعطيك فالمعاني
كي تيس بين لجبال،
يعاند فالغزال،
قفزة هنا
وقفزة ليه،
ونقول للغم محال،
واش تشد طرف مني!
تكويت مرة
ونعاود الكرَّة،
وماهمني يا الغم،
سلعة الروّاسي فالذمة،
تنسيك قساوة المُرّة،
لعبت على وترة الماضي
لحن عَمّْرك سمعتيه
ولا غادي تسمعو،
ماهمني يا الغم
ما غنيتي ما نوَّحتي
عارفك حلايقي
كل دقيقة قصة
وكذبة جديدة نايحة،
ماهمني!
عارفك خريف
ووراقو صفرا طايحة،
عارفك غشاش
سلعتك بالية رايحة،
غير شد صف الواد الساكن!
ريحة كلامك فايحة،
يمكن تغسل أغلاط
اوساخها سايحة،
..
..
#ضاحكةـياـليام
بقلم: حميد أهموش
ليست هناك تعليقات:
إرسال تعليق