الاكاديمية العربية المغربية للشعر والأدب

نوم العوافي.. يا عرب 

لسة بتقولوا حرب.. 

وولاد الكلب.. 

 حصار.. ودمار.. وضرب 

ولسة نايمين.... 

قتلوا الأطفال والنساء.. 

وفين الاقي الحياء 

قتلوا الطفل فى بطن امه جنين 

ولسة نايمين.... 

وتقولوا احنا ولاد عروبة ودين 

والاديان حرمت قتل البني ادمين

ولسة بتقولوا احنا اخوات...

شايف الجبن فى عنيكم 

ذل.. ومهانة.. واهات 

شايف دمي ملطخ ايديكم 

ووشوشكم مكتوب عليها السكات 

بكرة جاي .. والدور عليكم

انتم احياء.. لاكن اموات 

شايف كراسيكم  

بتتمرجح شمال ويمين 

ولسة يا عرب نايمين..... 

الحجر لو كان بينطق 

كان قال مليون... آه..  

كان قال حرام قتل الروح 

ملعون ابو المال والجاه 

 وانا قدامكم مدبوح 

وفى سبيل الله.. 

ما يغلى.. جسد او روح 

والحق راجع لو بعد حين 

راح ننتصر..ويعود صلاح الدين 

لسة يا عرب نايمين... 

ولسة بتقولوا حرب.. 

فاكرين زمان.. كنا ايد واحدة 

فى شدة وكرب 

نشبه طيور السرب 

فاكرين تلاتة وسبعين 

اتحدنا.. جبنا دماغ عدونا فى الطين 

ليه دلوقتى قلوبنا جاحدة.. 

لكي الله يا فلسطين... 

قتلونا واحنا فى بيوتنا نايمين 

 واحنا عزل.. وتقولوا حرب 

حدفوا الصواريخ شرق وغرب..

ولسة نايمين..  

نوم العوافي.. يا عرب

بقلم  / يحيى المنياوى