اغنية (الدنيا ما بتديش محتاج)
أدهم عبده مجلى
أدهم العوضى
★★★★★
خلاص الدنيا ضحكتلى
وبتقولى ده مش اوهام
بنظرة عينها بصتلى
لقيتنى عليها باجرى اوام
ومش عارف هاروحلها فين
كلامها كان بنظرة عين
ده لو عايزانى هتجينى
ومش هتسبنى اعيش مسكين
★*★*★*★
قالولى الدنيا ما بتديش
لحد يكون فى يوم عايز
وناس فيها يا دوب بتعيش
كما الاموات صحيح جايز
ولو ضحكت لحد فى يوم
تلاقى الضحك كله هموم
تدوقنا العسل مسموم
ومين فيها يا ناس فايز
★*★*★*★
مفيش فايز غير اللى قال
تكالى ورزقى ع الخلاق
وساب الوهم اصله محال
وعاش فيها بضمير واخلاق
وكان فى الناس جميل سيرة
ما سابش لغيره فيها حيره
قالت له الدنيا انا أميرة
ما عبرهاش ولو مشتاق
★*★*★*★
يا دنيا ده انتى غداره
على اللى خدوكى اهل وناس
ومكسبهم فيكى خساره
عشان عاشوا بلا إحساس
وفاتوا كل احبابهم
وضاع العمر وشبابهم
واهو فيكى ماشئ نابهم
غير الغدر مفيش إخلاص
★★★★★
أدهم عبده مجلى
أدهم العوضى
ليست هناك تعليقات:
إرسال تعليق