شياظمة
هذه الشياظمة
يعني بلاد الكرامة
منها جاتنا الصدمة
ماتت عيشة وفاظمة
بسبب ناس مكدمة
بسبب الجوع واللقمة
عيالات مشات في الردمة
ملي عثرات في الزحام
مرت عليها الأقدام
ندم حزن واسى
في المغرب الأقسى
فاجعة عمرها ما تنسى
طلبا للهيبة الشحيحة
تولدات فضيحة
والنسا ذبيحة
علأش على شوي دالقوت
يموتو ربات بيوت
منهم امهات والخوت
عاودوا لعبار لشعيركم
ماشي هاذي شعائرهم
نظموا عشائركم
قتلونا بشعاراتكم
همكم مشاريعكم
ولادكم واللي معاشركم
يا سلطات اخر زمن وعمر
خليوني ساكتة بلا ما نهضر
والله الحزن والالم في قلبنا يعصر
كتبت هذه القصيدة حين وفاة 25 امرأة في فاجعة الشياظمة نونبر 2017
المملكة المغربية 221117
الدكتورة فاطمة الزهراء الرئيس
ليست هناك تعليقات:
إرسال تعليق