فاينك يا لكلمة؟؟؟.
بقلمي ابراهيم اللغافي
2-11-2023
فاينك واهيا لكلمة؟؟؟
ويدان الدم ف غزة
او لعربي فقد لمعزة
ظلم اظلام او زايد ف الظلمة
لرواح طايحة ب العرام
او لعدا ف ترابنا مخزة
نعسنا او سحنا ف الاحلام
او شحال هو زين لمنام
او لعباد بحر الشمس منزة
كيف ما ردنا ليها
تبقى غير هي هي
بدينا نشرحوا فيها
صبنا لحوتة مقلية
سرنا نشموا فيها
صبنا دجاجة مشوية
نوينا نذوقوا منها
جبرناها بضاعة محمية
كيف كيف لا انا
ولا انت ولا لاخر
الروس منجل او لعرب سيف
او الصهيون تفتاخر
كاين لمطار او اربيع
كاين الصيف او لخريف
او اللي بان يتوسخ
لاش هاذاك يجيف؟؟؟
او لاخر ضعيف
لاش انتيف او لخطيف؟؟؟
لاش تسحريف؟؟؟
لاش تحريف؟؟؟
واهيا واه يا هاذ لانسان !!!
لا حكمتي اعلي بلا ما طالعتي بيا؟
واش ظالم او لا مظلوم؟!
تعذبني ب شكال التعذيب
او تسكن ف داتي الترهيب
او تلبسني تهمة التخريب
لو تردمني مع الفايت مردوم
وانا ف راسي غير كلام واش من كلام
لساني مديور اعليه لجام
وقلمي ب مدادو صام
لاش حكمت اعلي ؟؟؟
لاش زربت؟؟؟
بقلمي ابراهيم اللغافي
ليست هناك تعليقات:
إرسال تعليق