الاكاديمية العربية المغربية للشعر والأدب

..اشتهيتك....وتمنيتك بينى وبين نفسى....

واخاف لهفتى تفضحنى...فى حروفى وهمسى... إن صادفتك..ولا تخيلت بطلتك..

.. وسمعت نغمة خطوتك...ولا عينى جت فى عينك..تتوهنى نظرتك...وافوق على حزنى..

..وبأنى على فراقك..دايما معى ترسى.....

وإن شاف خيالى أوصافك...وطاف حنينى وعصانى...ورفرف دفاك..وخطر هواك على بالى...وحبك لاف ونادانى..

..وحسيت بك..بين أحضانى...يصدنى هجرانك وحرمانك. .موت وجفاف..

..واعتراف..بخيبة أمل حسى.......

وتتركنى لعذابى.وأنينى ...وتضيع لذة شبابى..واتحسر على أيامى وسنينى...

وتجف دموع عينى..ويغيب شروق شمسى....

..وخايف من شوقى..ل يتغلب على صبرى..وحنينى يثير عطشى وحروقى...

..واتقلب على جمرى...والحنان يجتاح ويغزوا عروقى...ويصير الأمر مش أمرى...

..وبدون ما أدرى..الاقينى تم طمسى.......

اشتهيتك..تمنيتك..بينى وبين نفسى.....

..بقلم الأديب..عدلى جعران عبدالرحيم..مصر ٢٠٢٣/١٢/٩